Ante a proximidade das eleccións xerais do vindeiro 29 de novembro, desde Down España reclamamos a todos os partidos políticos que teñan en conta ás persoas coa síndrome de Down nos seus programas e asuman compromisos concretos para garantir os seus dereitos.
“A inclusión laboral e unha protección social adaptada ás súas necesidades deben ocupar un lugar prioritario na axenda da vindeira lexislatura. Reclamamos un maior impulso de políticas de inserción laboral e o desenvolvemento dunha normativa que favoreza o Emprego con Apoio”, explica Mar Rodríguez, presidenta de Down España.
A metodoloxía do Emprego con apoio, sinala Rodríguez, “é a máis eficaz para a inclusión das persoas con discapacidade no mercado de traballo porque proporciona acompañamento profesional e apoios individualizados para facilitar a incorporación ao posto de traballo e a continuidade no emprego”. “Necesitamos que o próximo Goberno a promova con medidas concretas que faciliten a súa aplicación nas empresas”, engade.
Así mesmo, xunto ao impulso da inclusión laboral, desde a nosa Federación reclamamos a reforma da Lei Xeral da Seguridade Social para adiantar a idade de xubilación das persoas coa síndrome de Down aos 42-45 anos. Esta petición ten en conta que a súa esperanza de vida se sitúa en torno aos 65 anos, fronte aos 84,01 anos da poboación xeral en España.
A inclusión tamén se lidera desde Recursos Humanos
Para avanzar cara a un mercado laboral inclusivo, tamén é fundamental fomentar o compromiso das empresas porque, en palabras da presidenta de Down España, “a diversidade enriquece e beneficia”.
“Os equipos de traballo que contan con persoas con discapacidade obtén mellores resultados, teñen máis creatividade, teñen máis flexibilidade, son quen de chegar máis lonxe e de innovar mellor, que é o que ao final lle fai falla a unha empresa”, apunta Rodríguez, que propón que a inclusión forme parte da cultura organizacional das empresas e non quede limitada ao ámbito da responsabilidade social corporativa.
Trátase de recoñecer ás persoas con discapacidade como profesionais con capacidades, responsabilidades e aspiracións. “As persoas con discapacidade non xogan a traballar, senón que queren traballar”, subliña Rodríguez.
Co obxectivo de apoiar estas reivindicacións, desde Down España lánzase unha campaña de sensibilización con vídeos e unha recollida de sinaturas en apoio ao emprego inclusivo para que o dereito das persoas coa síndrome de Down se traduza en medidas concretas.
Se queres apoiar a campaña, asina aquí.