OBXECTIVOS

A Federación ten carácter aberto, e pódese integrar na mesma tódalas asociacións que o soliciten, sempre que desenvolvan as súas actividades no territorio da Comunidade Autónoma de Galicia e que os seus fins sexan compatibles cos da Federación.

Estimular as relacións entre os membros.

Impulsar e potenciar os obxectivos e as actividades dos seus membros.

Propoñer leis que garanticen os dereitos das persoas con síndrome de Down.

Promover e realizar campañas de información e mentalización social para difundir o coñecemento e a realidade das persoas con síndrome de Down.

Representar ós seus membros.

Xestionar subvencións ante os Organismos competentes de carácter autonómico, nacional ou internacional (públicos ou privados) para obter recursos para o seu funcionamiento.

Establecer e manter relacións de colaboración con outras organizacións que teñan obxectivos similares.

Evitar e, se fose necesario, denunciar a todas aquelas entidades ou persoas que actúen en contra dos intereses das persoas con síndrome de Down.

Promover intercambios e encontros entre profesionais das distintas Institucións para a síndrome de Down, posibilitando o coñecemento das diversas experiencias que o longo da xeografía nacional se están a levar a cabo.

Prestar apoio psicolóxico as familias das persoas con síndrome de Down, especialmente as nais e pais con sobrecargas familiares.

Fomentar a promoción da muller con síndrome de Down en todos los ámbitos.

Apoiar todas aquelas políticas de discriminación positiva que promovan a inclusión social en tódolos ámbitos (escolar, familiar, social, laboral,...) das mulleres e homes con síndrome de Down.

Promover e organizar actividades de Ocio e Tempo Libre dirixidas a nenos e nenas con síndrome de Down, que fomenten a súa participación na comunidade e polo tanto a súa integración social.