Servizo de Apoio as Familias.

- Axudar e orientar as familias na creación dun clima axustado e estable que favoreza a integración familiar e social da persoa con síndrome de Down.

- Xerar confianza nas familias sobre as posibilidades de desenvolvemento persoal e social do membro con Síndrome de Down.

- Fomentar nos pais estilos educativos incompatibles coa sobreprotección ou abandono, potenciando alternativas facilitadoras de autonomía e competencia social do individuo con discapacidade.

- Promover unha dinámica asociativa máis rica e aberta baseada na solidariedade, autoaxuda e apoio mutuo entre as familias.

Servizo de Atención Temperá

- Reducilos efectos das discapacidades sobre o conxunto global do desenvolvemento do neno e da nena.

- Optimizar, na medida do posible, o curso do desenvolvemento do neno ou da nena.

- Introducir os mecanismos e recursos necesarios de compensación, de eliminación de barreiras e de adaptación ás necesidades específicas.

- Evitar ou reducir a aparición de efectos ou déficits secundarios ou asociados producidos por un trastorno ou situación de alto risco.

- Atender e cubrilas necesidades e demandas da familia e do entorno no que vive o neno ou a nena.

- Consideralo neno ou a nena, a familia e seu entorno como suxeitos activos de intervención, de tal forma que se produza unha implicación de tódolos axentes.

- Proporcionar ós pais e a toda a familia a información, o apoio e o asesoramento necesarios, co fin de que poidan adaptarse a nova situación, e manteñan unhas adecuadas relacións afectivas co neno.

- Enriquecer o medio no que se vai desenvolver o neno proporcionando estímulos adecuados en tódolos aspectos para favorecer o desenvolvemento.

- Fomentar a relación pais- fillos, evitando a aparición de estilos interactivos inadecuados.

- Levar ó máximo os progresos do neno para lograr súa dependencia nas distintas áreas de evolución.

- Emplear estratexias de intervención nun contexto natural a través das situacións rutinarias do neno, evitando fórmulas demasiado artificiais.

- Levar a cabo unha acción preventiva, xa que os programas de Atención Temperá permiten, dalgunha forma, frear o deterioro progresivo, evitando que os nenos presenten alteracións máis graves nos distintos aspectos evolutivos. Esta faceta preventiva esténdese tamén a todo o ámbito familiar, instaurándose dende o principio comportamentos adecuados, máis adaptados as realidades.

Servicios de apoio escolar

 Promover e facilitar a inclusión escolar dos nenos, nenas e mozos e mozas con síndrome de Down, e, en xeral, de tódolos alumnos/as con discapacidade intelectual na escola ordinaria, potenciando ó máximo o seu desenvolvemento cognitivo, social e persoal.

Como obxectivos específicos podemos apuntar os seguintes:

- Rentabilizar ó máximo a escolarización dos alumnos con síndrome de Down integrados nos Centros Educativos.

- Satisfacer unha demanda social – mellorar a inclusión destes alumnos nas aulas ordinarias.

- Dar resposta inmediata as demandas puntuais que xurdan en relación coa escolarización do alumno/a con síndrome de Down.

- Ser referente para o profesorado en todas aquelas cuestións que teñan que ver co alumnado destas características.

- Facilitar a coordinación necesaria para traballar (os axentes educativos implicados: centro educativo, familia, asociación) conxuntamente na adquisición de contidos escolares funcionais que axuden ó alumno/a con necesidades educativas especiais a adquirir autonomía para a vida.

- Potenciar as habilidades necesarias para a integración do alumno na escola fora da aula.

- Concienciar ós profesores e compañeiros das capacidades e peculiaridades das persoas con síndrome de Down para favorecer a aprendizaxe e as relacións con seus compañeiros.

Servizos de formación para o emprego

Conseguir que as persoas con síndrome de Down e discapacidade intelectual estén adecuadamente preparadas para a súa incorporación efectiva ó mercado laboral ordinario.

Servicio de Emprego con apoio

Aplicar o método de emprego con apoio como fórmula para a integración laboral das persoas con discapacidade intelectual e síndrome de Down na empresa ordinaria, co fin de acadar unha integración social e laboral plena, así como permitirlles que logren as maiores cotas de autonomía e independencia posibles.

Servicio de Ocio e Tempo libre

Os obxectivos que se persiguen son:

• Lograr que as persoas con discapacidade acaden as máis altas cotas posibles de vida independente.
• Crear escolas de vida que desenvolvan programas individualizados de acceso á vivenda independente.
• Alugamento de pisos e desenvolvemento do programa de Vivenda Independente
• Deseñar, desenvolver e avaliar programas de formación orientados a capacitar mediadores para a vivenda independente.